Promozzjoni Fuq Nofs Miljun Seat tal-Air Malta

Frar 9, 2019

Data:  Is-Sibt, 9 ta’ Frar 2019

Ref:    003-2019 MT

Promozzjoni Fuq Nofs Miljun Seat tal-Air Malta

Nhar it-Tnejn, l-Air Malta ser tniedi promozzjoni kbira fuq perijodu ta’ ġimgħa sħiħa fejn se tkun qed toffri 500,000 seat bi prezz li jibda minn Eur 24 biss ‘one-way’ fuq ir-rotot kollha tagħha.

Il-promozzjoni, immirat biex tiċċelebra l-ġimgħa ta’ San Valentinu hija valida għal vjaġġar bejn it-Tnejn, 11 ta’ Frar sat-tmiem ta’ Ġunju 2019 u tintemm fil-11:59pm tal-Ħadd, 17 ta’ Frar.

Fl-offerta wieħed se jkun jista’ jagħżel minn fost ħamsa u tletin rotta bi prezz li jibda minn Eur 24 biss, ‘one-way’ għal Malaga u minn Eur 69, għal Moska jew St Petersburg. Dan il-prezz hu għat-tariffi Go Light b’bagalja ‘hand luggage’, u jinkludi t-taxxi u t-tariffi l-oħra kollha.

Il-bejgħ huwa applikabbli għal titjiriet lejn/minn Londra Heathrow, Londra Gatwick, Londra Southend, Manchester, Birmingham, Bristol, Catania, Palermo, Ruma, Milan, Cagliari, Berlin, Dusseldorf, Frankfurt, Munich, Leipzig, Ħamburg, Vjenna, Lyon, Marsilja, Pariġi Charles De Gaulle, Pariġi Orly, Ġinevra, Zurich, Brussell, Amsterdam, Moska, St Petersburg, Kiev, Praga, Malaga, Lisbona, Casablanca, Tunis u Tel Aviv.

L-iskont huwa validu mill-mezzi kollha ta’ distribuzzjoni inkluż mis-sit elettroniku tal-Air Malta www.airmalta.com. Is-seats huma soġġetti għad-disponibliità bl-iskont ma jkunx applikabbli għal ċerti dati tal-ivjaġġar. Jistgħu japplikaw xi termini u kundizzjonijiet.

Għal aktar informazzjoni żur www.airmalta.com jew illoggja fuq www.facebook.com/AirMalta nhar it-Tnejn.

 

 

1