Cagliari

BOOK NOW

Cagliari


Malta to CagliariCagliari

Matul il-parti l-kbira tal-istorja ta' din il-belt, l-abitanti ta' Cagliari kellhom joqogħdu b'seba' għajnejn mill-barrani, minħabba l-iżolament u l-vulnerabbiltà kbira tal-belt tagħhom. Fl-imgħoddi, ir-residenti ta' Cagliari ħafna drabi kellhom jaħarbu bi ħġarhom lejn il-muntanji biex jevitaw l-invażjonijiet. Madankollu, illum il-ġurnata, l-istorja hija pjuttost differenti.

L-ekonomija ta' din il-belt kostali ddur madwar l-influss regolari ta' viżitaturi, filwaqt li l-industrija tat-turiżmu f'Cagliari hija aktar milli kapaċi li tagħti lill-viżitaturi valur eċċellenti għall-flus u esperjenza unika u memorabbli.

Poetto hija l-bajja prinċipali ta' Cagliari, li testendi għal aktar minn 8 km minn Sella del Diavolo (li tfisser 'is-Sarġ tax-Xitan') sal-kosta ta' Quartu Sant'Elena. Din il-bajja toffri lill-għawwiema għażla kbira ta' rkejjen fejn jgħumu, bħal bank ta' ramel minn ġenb għall-ieħor li jkun vojt u mhux sorveljat bil-kumditajiet u l-faċilitajiet kollha moderni. It-temp ta' Cagliari huwa perfett biex wieħed joqgħod jirrilassa u jixxemmex ħdejn il-baħar.

Madankollu, il-kosta hija ideali wkoll għall-isports tal-baħar u l-faċilitajiet ma jonqsux. L-attivitajiet jinkludu jet skis, parakiting, wakeboarding, windsurfing u ħafna aktar.

Cagliari hija perfetta għall-eskursjonijiet turistiċi - il-parti l-antika tal-belt ma toffrix biss veduti spettakolari, iżda wkoll arkitettura, li minnha nnifisha tinkwadra xena perfetta b'bini antik magħmul mill-ġebla tal-franka li tiġġieled kontra l-elementi tat-temp.

Cagliari, li hija meqjusa bħala l-aktar belt ekoloġika Taljana, għandha arja tassew nadifa, grazzi għall-qrubija tagħha mal-baħar, kif ukoll numru kbir ta' żoni miftuħa, parks u foresti fl-inħawi. Dawk li jivvjaġġaw lejn Cagliari qatt ma huma ser ikunu bogħod minn xi park jew żona msaġġra simili, fejn ikunu jistgħu jirrilassaw u jistrieħu. Dawk li huma aktar avventurużi għandhom iċ-ċans li jagħmlu mixjiet mal-kosta jew tul il-mogħdijiet fuq il-muntanji. Filwaqt li l-biċċa l-kbira tal-itinerarji huma qosra, hemm mixjiet li huma aktar impenjattivi, iżda li fl-istess ħin joffru sodisfazzjon kbir.

Bħal bliet Taljani oħrajn, Cagliari hija ġustament kburija bl-ikel tagħha. Kif wieħed jistenna, il-ħut igawdi post prominenti fuq il-menu ta' din il-belt, tant li r-residenti tagħha jgawdu platti spettakolari tal-ħut, inkluża r-riċetta popolari magħrufa bħala 'burrida', li tikkonsisti fi stuffat delizzjuż tal-ħut.




Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!