Athens

BOOK NOW

Ateni

Malta to AthensAteni

Is-simboli tal-glorja mgħoddija tan-nazzjon Grieg jikkonverġu kollha madwar il-metropoli moderna u ffullata ta' Ateni. Huma numerużi u jiġbdu ħafna l-għajn, bħall-Partenon, li għadu wieqaf kburi sal-lum fuq l-Akropoli, jgħasses fuq in-nies ta' Ateni u jfakkarhom fil-kontribut imprezzabbli ta' belthom għal tista' tgħid dak kollu li d-dinja moderna tagħna llum tieħu bħala ovvju.

Kienu l-Atenjani tal-qedem li, matul l-Epoka tad-Deheb tagħhom, jiġifieri 2500 sena ilu, bdew jipperfezzjonaw id-demokrazija – xi ħaġa li għadna nitħabtu sabiex nipperfezzjonawha sal-lum. L-Atenjani għamlu kontribuzzjonijiet importanti kbar fil-filosofija, fl-arti, u fit-teatru. L-aktar ħaġa importanti għal dawk li jżuru din il-belt, dan il-wirt kbir huwa miżmum tajjeb ħafna.

Il-Mużew Arkeoloġiku Nazzjonali huwa post prominenti li wieħed ma għandux jitlef. Dan huwa l-mużew prinċipali ta' Ateni, li jkopri l-perjodu mill-preistorja sal-fażi aħħarija tal-antikità. Il-konċentrazzjoni ta' teżori Eġizzjani u Griegi antiki hija xi ħaġa li ma ssibx bħalha u li tagħmel lil dan il-mużew wieħed mill-iżjed importanti fid-dinja.

Il-mużew għandu kollezzjoni vasta, li tinkludi bosta xogħlijiet artistiċi, fosthom il-Maskra ta' Agamemnon, maskra funerarja maqtugħa fid-deheb, li huwa maħsub li għandha iżjed minn 3500 sena.

Filwaqt li l-Atenjani ma jistgħu qatt jevitaw il-legat tagħhom, huwa faċli biex wieħed jinsa li l-belt toffri ferm aktar mill-antikitajiet li hija tant famuża għalihom. Il-kapitali Griega hija waħda vibranti bi stil ta' ħajja kontemporanja. Minbarra l-mużewijiet u l-wirjiet, hemm ħafna aktar x'tagħmel f'din il-belt.

Dawk li jżuru Ateni jistgħu jqattgħu l-ġurnata jduqu l-varjetà kbira ta' ikel delizzjuż li toffri din il-belt, mil-Loukoumades (doughnuts Griegi bl-għasel u l-ġewż), għat-Tiropites (ikel tal-għaġina bil-ġobon), sas-Souvlaki (sfiefed ta' laħam jew ħaxix mixwi).

Għall-palat iżjed raffinat, f'Ateni ssib ukoll ammont ġmielu ta' ristoranti kontemporanji li jservu platti b'ideat ultra-moderni bbażati fuq il-kċina tradizzjonali Atenjana u Griega – hawnhekk, il-fattur bażiku huwa dejjem il-freskezza tal-ingredjenti, li qatt ma hija problema f'dan ir-reġjun.


Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!