We Care More


Għeżież Klijenti,

Minn nhar it-Tlieta 11 ta’ Awwissu 2015, l-Air Malta ser tkun qiegħda taġġorna l-firxa ta’ prodotti tagħha kemm fil-klassi economy kif ukoll f’dik business. Permezz ta’ din il-bidla, il-linja tal-ajru qiegħda tinvesti fl-esperjenza tal-klijenti u qiegħda tniedi għadd ta’ attivitajiet bħala parti minn inizjattiva “Aħna Jimpurtana Aktar”.

 

Fig. 1 – Marka kummerċjali ġdida tal-inizjattiva ‘We Care More’

 

Permezz tal-introduzzjoni ta’ tliet prodotti fil-klassi economy u tliet prodotti fil-klassi business, ser ikun hemm aktar għażla għall-klijenti. Madankollu, anki l-prodott bl-aktar prezz baxx - Simply Fly - għadu jinkludi bagalja tal-idejn u xi ħaġa żgħira tal-ikel, b’kuntrast ma’ dak li joffru ħafna mit-trasportaturi l-oħrajn. 

 

Aħna Jimpurtana Aktar – Aktar Għażla għall-Klijenti

 

L-Air Malta tifhem li l-klijenti jfittxu serħan il-moħħ meta jivvjaġġaw bl-ajru u ma jridux jinkwetaw ruħhom u jħossuhom misruqa mill-ħlasijiet imposti fuq il-bagalji u tariffi addizzjonali oħrajn. Din hija r-raġuni għaliex il-konċessjoni ta’ bagalja li tiġi rreġistrata maċ-check-in għadha element ewlieni anki għall-aktar nollijiet baxxi. L-Air Malta qiegħda tnaqqas ukoll il-ħlasijiet tat-tariffi addizzjonali billi tintroduċi l-‘kunċett ta’ ħlas għal kull biċċa’ – il-klijenti jaħsbu f’termini ta’ biċċiet li jġorru, mhux f’termini ta’ piż. U sabiex jiksbu benefiċċji addizzjonali għall-prenotazzjoni tas-siġġu tagħhom, flessibbiltà, eċċ., il-klijenti jistgħu jipprenotaw il-prodott bl-aqwa valur jew il-prodott imsejjaħ ‘spoil yourself top economy’. 

Fig. 2 – Screenshot tal-format ġdid fuq il-paġna tal-magna tal-prenotazzjoni li toffri lill-klijent għażla ta’ tliet livelli fil-Klassi Economy.

 

Għall-Klassi Business, issa hemm tliet kategoriji ta’ prodotti minn fejn jistgħu jagħżlu l-klijenti; Business Basic, Business Value u Business Anytime.

 

Fig. 3 – Screenshot tal-format ġdid fuq il-paġna tal-magna tal-prenotazzjoni li toffri lill-klijent għażla ta’ tliet livelli fil-Klassi Business.

 

Sabiex toffri prezzijiet tal-biljetti aktar kompetittivi, l-Air Malta qiegħda tintroduċi wkoll struttura ġdida tan-nollijiet għall-ivvjaġġar mill-1 ta’ Settembru. Din l-istruttura ser tkun tfisser inizjattiva ġdida b’nollijiet xejn inqas minn €54 aktar baxxi min-nollijiet tal-vjaġġi bir-ritorn li huma disponibbli bħalissa, pereżempju lejn xi destinazzjonijiet Ġermaniżi.

 

Fuq id-destinazzjonijiet kollha, id-differenza bejn l-aktar prezzijiet baxxi ser tkun ferm inqas, sabiex b’hekk ikun hemm aktar għażla disponibbli fil-kategoriji tan-nollijiet aktar baxxi. It-tariffa tal-prenotazzjoni ta’ €15, li diġà qiegħda tiġi applikata għall-prenotazzjonijiet mill-uffiċċju tal-qtugħ tal-biljetti fl-ajruport u miċ-ċentru telefoniku għall-klijenti, ser tiġi estiża għall-prenotazzjonijiet li jsiru permezz tas-sistemi ta’ prenotazzjoni globali. Dan ifisser li s-sit elettroniku tal-Air Malta ser ikun l-aktar mezz attraenti f’termini ta’ prezzijiet.

 

L-Air Malta ser tissokta bi promozzjonijiet kontemporanji regolari, għalkemm limitati, b’nollijiet taħt in-nollijiet ewlenin imsemmija hawn fuq. 

 

L-offerta tal-ikel à la carte waqt it-titjira ser tiġi estiża, b’aktar għażla għall-klijenti, minn ikliet ħfief għal xi proposti ta’ ikliet sħan. Aħna ser noffru għażla ta’ tè ta’ kwalità għolja u marki selettivi oħrajn għall-klijenti aktar għaqlin.

 

Bdejna nintroduċu wkoll għadd ta’ servizzi anċillari abbord it-titjiriet tagħna bil-għan li ntejbu l-esperjenza u s-sodisfazzjon tal-klijenti, noħolqu ċertu dibattitu u noħolqu dħul anċillari. Dan beda bil-proposta ta’ Sky Spa fis-16 ta’ Lulju, li għaliha qegħdin ningħataw reċensjonijiet kemm lokali kif ukoll internazzjonali.

 

Hemm ippjanat ħafna titjib fis-servizzi offruti minna għall-ġejjieni, fosthom l-għażla ta’ prenotazzjoni minn fuq it-telefons ċellulari, sit elettroniku risponsiv u kalendarju bin-nollijiet, li joffri aktar trasparenza lill-klijenti u lil persuni oħrajn.

Dan huwa żvilupp importanti ħafna u pass ’il quddiem sinjifikanti għall-Air Malta. Aħna smajna x’kellhom x’jgħidulna l-klijenti tagħna u biddilna l-firxa ta’ prodotti tagħna. Il-passiġġieri tagħna ser ikunu jistgħu jieħdu dak illi jħallsu għalih bil-prezz li jagħżlu huma.

 

Aħna l-Air Malta. Aħna Jimpurtana Aktar.

 

It-Tim Kummerċjali tal-Air Malta





Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!