L-Esperjenza Abbord

L-Air Malta hija waħda mill-ftit linji tal-ajru li fadal fl-Ewropa li toffri ikel b'xejn lill-passiġġieri abbord it-titjiriet kollha tagħha. L-ikel ħafif u l-ikliet kompluti tagħna nħolqu biex jimlew dak il-ftit spazju waqt it-titjira u jiġu ppreparati billi jintużaw ingredjenti staġjonali tajbin. Jekk tivvjaġġa fil-kategorija Business Class, inti tibbenifika minn servizz ta' ikla sħiħa u tiġi offrut għażla ta' ikliet sħan fuq titjiriet aktar twal.

Fuq it-titjiriet kollha, it-tip ta' ikel ħafif servut fl-Economy Class jiddependi mit-tul tat-titjira:

Bejn siegħa u għoxrin minuta u sagħtejn 
Ikel ħafif bħal gallettini, galletti u jogurts. 

Bejn sagħtejn u 3 sigħat 
Sandwiches jew ikel ħafif simili

3 sigħat jew itwal
L-għażliet tal-ikel jinkludu għaġin il-forn u tiġieġ flimkien ma' ħxejjex staġjonali.

L-ikla tiegħek tkun akkumpanjata b'għażla ta' xorb mhux alkoħoliku, juices u ilma. Barra minn hekk, tista' wkoll tixtri xorb ieħor, inkluża firxa wiesgħa ta' xorb alkoħoliku, mill-bar tagħna. 

Fil-preżent, ma noffrux ikel ħafif fuq titjiriet qosra li jdumu inqas minn siegħa u għoxrin minuta. Jekk għandek bżonnijiet speċjali f'dak li għandu x'jaqsam mad-dieta tiegħek, kellem lil xi ħadd mill-ekwipaġġ tal-kabina tagħna għal xi ħaġa veġetarjana, għażla li hija disponibbli fuq it-titjiriet kollha tagħna.