Ħlasijiet

Kif tħallas għat-titjira tiegħek
Kif tħallas għat-titjiriet tiegħek

Aħna qegħdin nagħmluha konvenjenti għalik sabiex tħallas għat-titjiriet tiegħek bl-internet u bil-metodu ppreferut minnek. Hawnhekk ser tingħata lista tal-metodi ta' ħlas li huma aċċettati bħalissa.


Meta tħallas bl-internet 

Jekk tagħżel li tibbukkja t-titjiriet tiegħek bl-internet, tista' tagħżel li tħallas bl-użu ta' waħda mill-kartijiet ta' kreditu internazzjonali ewlenin: 

  • American Express
  • MasterCard
  • Visa

Tista' wkoll tibbukkja u tħallas għat-titjiriet tiegħek bl-internet jekk il-passiġġier u d-detentur tal-karta ta' kreditu ma jkunux l-istess persuna. Madankollu, bħalissa, ħlas b'karti ta' debitu mhuwiex disponibbli.


Jekk qiegħed illoggjat fil-kont tal-MyKM tiegħek, tista' tissejvja d-dettalji tal-karta ta' kreditu tiegħek b'mod sigur sabiex tkun tista' terġa' tużahom għal prenotazzjonijiet oħrajn fil-futur. Ma għandekx kont?

Irreġistra issa

Jekk inti membru tal-Flypass, tista' tagħżel li ssarraf il-KMiles tiegħek biex tħallas titjira.  
Tgħallem aktar hawnhekk.

Jekk ma għandekx karta ta' kreditu: 

Sfortunatament, għandek bżonn karta ta' kreditu biex tħallas għal prenotazzjoni bl-internet. Intant, inti tista' tikkuntattja lit-tim tal-prenotazzjonijiet

tagħna u tagħmel prenotazzjoni provviżorja b'limitu ta' żmien marbut magħha.

Muniti li naċċettaw. Fil-preżent, aħna naċċettaw biss ħlasijiet li jsiru fl-EURO u l-GBP (Sterlina Ingliża) 

Ftakar li xi kumpaniji tal-karti ta' kreditu jistgħu jitolbu ħlas ta' tranżazzjoni fuq ix-xiri. Jekk jogħġbok, iċċekkja direttament mal-kumpanija tal-karta ta' kreditu tiegħek jekk għandek xi mistoqsijiet dwar dan.


Ħlas Amministrattiv
Meta tibbukkja bl-internet, inti ser tintalab tħallas miżata żgħira ta' 15 EURO għas-servizz. Din hija konformi mal-proċeduri komuni tal-linji tal-ajru u tmur għall-manutenzjoni tas-sistema tal-prenotazzjoni bl-internet u t-titjib li jsirilha b'mod regolari.

Ħlasijiet sikuri u garantiti
Meta tħallas bl-internet minn fuq dan is-sit, tista' sserraħ moħħok li d-dettalji tal-kreditu tiegħek ser jiġu ttrattati b'mod kompletament sikur u anonimu. Is-sit tagħna juża l-aħħar teknoloġija ta' data encryption sabiex jassigura li d-dettalji tiegħek ikunu sikuri u protetti minn partijiet terzi.

Verifika:
Wara li ddaħħal id-dettalji tal-karta tiegħek, tista' titla' window oħra u titolbok verifika. Dan minħabba li ċerti karti huma "3D secure" u l-bank ikollu bżonn verifika oħra mingħandek qabel ma s-sistema tħallik tipproċedi bit-tranżazzjoni tiegħek. F'każ li l-informazzjoni mitluba tiddaħħal ħażin jew il-pop-up window tingħalaq, din is-sistema tibgħat messaġġ lill-bank tiegħek u t-tranżazzjoni tiġi ttrattata bħala frodulenti, xi ħaġa li twassal biex taqa' l-prenotazzjoni. Jekk għandek xi mistoqsijiet dwar l-informazzjoni li hija meħtieġa fuq il-pop-up window, ġentilment għandek tikkuntattja lill-bank tiegħek għal aktar għajnuna.

Metodi ta' ħlas oħrajn aċċettati

Il-ħlasijiet fi flus kontanti għall-prenotazzjonijiet jiġu aċċettati biss fl-uffiċċju tal-bejgħ tagħna, li jinsab fl-Ajruport Internazzjonali ta' Malta. Aħna ma naċċettawx ħlasijiet fi flus kontanti jew b'ċekkijiet.

Bħalissa, aħna qegħdin naħdmu sabiex nintroduċu metodi alternattivi ta' ħlas bl-internet.

Kif tħallas għal servizzi oħrajn

Fuq dan is-sit, aħna nittrattaw direttament biss ħlasijiet li jsiru fuq prenotazzjonijiet ta' titjiriet u servizzi relatati mat-titjiriet. Jekk tiddeċiedi li tibbukkja l-lukanda tiegħek jew tikri karozza minn fuq is-sit tagħna, dawk il-ħlasijiet jiġu ttrattati minn Booking.com u CarTrawler.com, rispettivament.

Għal aktar informazzjoni u għajnuna dwar kif tibbukkja t-titjira tiegħek bl-internet, tinsiex iżżur is-sezzjoni ta' għajnuna biex tibbukkja

.












Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!