L-Air Malta Tiġbor Aktar Minn €4,250 għall-Kanċer tas-Sider

Data: Il-Ġimgħa, 10 ta’ Jannar 2014
Ref: 004-2014

L-Air Malta ġabret aktar minn €4,250 għall-Grupp ta’ Appoġġ għall-Kura tas-Sider, Europa Donna Malta matul ix-xahar ta’ Ottubru, ix-xahar iddedikat għas-sensibilizzazzjoni dwar il-kanċer tas-sider. 

Permezz ta’ inizjattiva konġunta ma’ Sky Gourmet, l-ekwipaġġ tal-kabina tal-Air Malta qassam żigarelli roża għad-donazzjonijiet irċevuti fuq titjiriet magħżula. 

Dawn id-donazzjonijiet ammontaw għal €3,800, filwaqt li nġabru €450 mill-membri tal-persunal tal-Air Malta permezz ta’ bejgħ ta’ kejkijiet. 

Il-fondi miġbura ġew ippreżentati mill-Uffiċjal Kummerċjali Kap Philip Saunders lil Gertrude Abela, President ta’ Europa Donna Malta. 

Hu qal "Ninsabu entużjasti li aħna sħab f’kawża daqstant kbira filwaqt li nqajmu aktar kuxjenza fost il-passiġġieri tagħna dwar l-importanza tas-sejbien bikiri u l-kura tal-kanċer tas-sider." 

Is-Sa Abela rringrazzjat lill-kumpanija għall-appoġġ kostanti tagħha ta’ kull sena speċjalment matul ix-xahar ta’ Ottubru.

Id-donazzjonijiet miġbura ser imorru għall-istampar tal-materjal ta’ komunikazzjoni biex iħeġġeġ lin-nisa jagħżlu ikel bnin u biex jipprattikaw xi forma ta’ eżerċizzju - żewġ fatturi importanti biex jitnaqqas ir-riskju ta’ kanċer tas-sider. 

Il-Grupp ta’ Appoġġ għall-Kura tas-Sider, Europa Donna Malta huwa NGO mingħajr skop ta’ qligħ u ilu attiv sa mill-1989. Il-missjoni tiegħu huwa li jqajjem kuxjenza u jappoġġja l-pazjenti u l-familji li jkunu għaddejjin mit-trawma ta’ kanċer tas-sider. Matul is-sena, il-grupp jaħdem bla heda biex jorganizza kampanji ta’ sensibilizzazzjoni u jorganizza taħditiet fl-iskejjel u f’postijiet tax-xogħol differenti. Il-grupp jopera linja ta’ appoġġ 24 siegħa kuljum, sebat ijiem fil-ġimgħa (li wieħed jista’ jaqbad magħha billi jċempel in-numru 9999 4666) li tindirizza numru kbir ta’ telefonati matul is-sena u toffri wkoll servizz ta’ għoti ta’ pariri fuq bażi individwali. Is-servizzi u l-materjali kollha huma mingħajr ħlas. 

Din il-kampanja tagħmel parti mill-inizjattivi ta’ Responsabbiltà Soċjali Korporattiva tal-Air Malta li permezz tagħhom il-linja tal-ajru tappoġġja l-organizzazzjonijiet li jaħdmu bla heda fil-Komunità Maltija. L-ebda linja tal-ajru oħra li topera lejn Malta ma tagħti appoġġ kontinwu lil organizzazzjonijiet volontarji u mhux governattivi bħalma tagħmel l-Air Malta.


Ir-ritratt juri lil: Philip Saunders, Uffiċjal Kummerċjal Kap (It-tieni mix-xellug) Is-Sa Gertrude Abela, Is-Sa Anne Micallef u l-Ekwipaġġ tal-Kabina tal-Air Malta.

 

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!