Jeppesen tghin lill-Air Malta tikseb Operat minghajr Karti

Data: It-Tlieta, 1 ta’ Lulju 2014
Ref: 060-2014 MT


Il-linja tal-ajru tal-Gżejjer Maltin hija waħda mill-ewwel kumpaniji tal-ajru fl-Ewropa li taħdem mingħajr karti, wara trasformazzjoni diġitali

ENGLEWOOD, COLO., 1 ta’ Lulju, 2014 L-Air Malta, il-linja tal-ajru nazzjonali ta’ Malta, dan l-aħħar irċeviet awtorizzazzjoni biex topera f’kapaċità totalment diġitali, bl-użu ta’ Jeppesen FliteDeck Pro fuq l-iPad bħala s-soluzzjoni tagħha għal bagalja tat-titjir elettronika (electronic flight bag - EFB).  Jeppesen, li hija parti minn Boeing Digital Aviation, għenet lill-Air Malta biex tikseb l-approvazzjoni sinifikanti mid-Direttorat tal-Avjazzjoni Ċivili f'Malta biex topera bħala waħda mill-ewwel linji tal-ajru fl-Ewropa li ma tużax karti.      

L-Air Malta għamlet tranżizzjoni għal FliteDeck Pro fuq l-iPad il-ħarifa li għaddiet għal aċċess għal informazzjoni diġitali dwar it-titjiriet użata fuq l-art u fl-ajru. L-Air Malta issa lestiet il-proċess t’awtorizzazzjoni biex issir linja tal-ajru totalment diġitali. FliteDeck Pro jgħin biex jitnaqqas ix-xogħol tal-bdoti, iżid l-għarfien tas-sitwazzjoni fuq titjira u jnaqqas l-ispejjeż operattivi permezz ta’ konsum inqas ta’ fjuwil, abbażi ta' piż inqas u aċċess faċli għal informazzjoni operattiva.

“Jeppesen u FliteDeck Pro fuq l-iPad ipprovdew il-bażi biex aħna nirċievu din l-awtorizzazzjoni u niksbu waħda mill-ewwel operazzjonijiet totalment diġitali ta’ linja tal-ajru fl-Ewropa,” qal il-Kaptan Patrick Calleja, il-kap ta’ Aircraft Operations, fi ħdan l-Air Malta.  “Il-mira tagħna kienet li nsiru linja tal-ajru mingħajr karti u ninsabu ħerqana biex inkomplu niksbu benefiċċji operattivi u titjib fl-effiċjenza bl-użu ta’ FliteDeck Pro bħala l-pjattaforma tagħna ta’ EFB. Din il-qabża ’l quddiem fl-effettività operazzjonali nkisbet permezz tal-ħila esperta u l-fiduċja fil-prodott min-naħa ta’ tim tekniku u operazzjonali ddedikat, immexxi mill-First Officer Mark Attard, il-Pilota Tekniku tagħna. Ninsab kburi minn dak li t-tim irnexxielu jikseb b’kooperazzjoni ma’ Jeppesen u b’mod importanti, mar-regulaturi tagħna fi ħdan id-Direttorat tal-Avjazzjoni Ċivili ta' Transport Malta, li tawna appoġġ u kienu entużjasti daqsna matul dan il-proċess,” ikkonkluda l-Kaptan Calleja.           

Jeppesen FliteDeck Pro jgħin lil-linji tal-ajru u operaturi kbar biex jagħmlu aktar effiċjenti l-aċċess għal informazzjoni essenzjali dwar it-titjiriet u għad-dejta dwar in-navigazzjoni ta’ Jeppesen, li hija l-aqwa fl-industrija. Permezz ta’ FliteDeck Pro, l-Air Malta tirċievi ċarts tat-terminals ibbażati fuq vectors kif ukoll kontenut matul ir-rotta mmexxi b'dejta, li jintwera fuq l-iskrin b'mod dinamiku sabiex l-ekwipaġġ ikollu għarfien aħjar tas-sitwazzjoni matul titjira.  

“Il-fatt li rnexxielna nistabbilixxu operazzjoni mingħajr karti huwa kisba sinifikanti, u nifirħu lill-Air Malta għall-isforz tagħhom ta' trasformazzjoni diġitali li kien fost wieħed minn tal-ewwel nett fl-Ewropa,” qal Tim Huegel, id-direttur ta’ Jeppesen Aviation Portfolio Management.  “L-eliminazzjoni tal-iffajljar tar-reviżjoni ta’ karti u l-fatt li m’għadx hemm bżonn li jitqandlu bagalji tat-titjiriet tqal huma ta' benfiċċju għall-piloti, peress li bl-użu ta’ FliteDeck Pro d-dejta essenzjali tiġi aġġornata awtomatikament u jinkisbu effiċjenza operattiva akbar u tnaqqis fil-konsum tal-fjuwil.”

L-Air Malta tgħaqqad il-Gżejjer Maltin, destinazzjoni popolari għall-vaganzi, ma’ 35 destinazzjoni madwar l-Ewropa u l-Mediterranean, u topera flotta ta’ ajruplani Airbus A320/319. 

Għal aktar tagħrif dwar l-aqwa soluzzjonijiet fl-industrija tan-navigazzjoni, operazzjonijiet, taħriġ u ottimazzjoni pprovduti minn Jeppesen, jekk jogħġbok żur www.jeppesen.com.       

Dwar Jeppesen
Għal 80 sena, Jeppesen ippermettiet lill-bdoti u l-passiġġieri tagħhom biex jilħqu d-destinazzjonijiet tagħhom b’mod sigur u effiċjenti. Illum, dan l-ispirtu ta’ pijunier ikompli hekk kif Jeppesen tipprovdi soluzzjonijiet transformattivi ta’ informazzjoni u ottimizzar sabiex ittejjeb l-effiċjenza ta’ operazzjonijiet fl-ajru u fil-baħar madwar id-dinja. Jeppesen hija sussidjarja ta’ Boeing u parti mill-unità ta’ negozju tal-Avjazzjoni Diġitali fi ħdan Boeing Commercial Aviation Services. Boeing toffri l-akbar portafoll ta’ servizzi tal-industrija, appoġġ u soluzzjonijiet, li huma magħrufa kollettivament bħala Boeing Edge, li jipprovdi lill-konsumaturi b’vantaġġ kompetittiv sabiex isolvu problemi operazzjonali, sabiex b’hekk ikunu jistgħu jittieħdu deċiżjonijiet aħjar, tiġi mmassimizzata l-effiċjenza u titjieb il-prestazzjoni ambjentali – soluzzjonijiet intelliġenti ta' informazzjoni għall-ekosistema sħiħa tal-avjazzjoni. 

Kuntatt għall-Midja:
Brian Rantala
+1-303-328-4370

Email

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!