Il-flotta tagħna

L-Air Malta għandha flotta ta' għaxar ajruplani tat-tip A-319s u A-320s manifatturati mill-kumpanija Airbus.

Aħna nagħtu importanza kbira lis-sigurtà operattiva tal-flotta tagħna. It-tim ta' inġiniera tagħna jiffissaw standards għoljin u jiżguraw li x-xogħlijiet kollha ta' manutenzjoni jissodisfaw l-istandards u l-proċeduri esiġenti ffissati mill-manifatturi u mill-awtoritajiet regolatorji.

L-ewwel prijorità tagħna hija dejjem li npoġġu s-sigurtà tal-klijenti tagħna l-ewwel u qabel kull ħaġa oħra, kemm fuq l-art kif ukoll waqt it-titjira.

Ajruplan Airbus tal-Air Malta

Aħna ninsabu fil-proċess li nvaraw Sistema ta' Ġestjoni tas-Sigurtà (SMS) li tkun tifforma parti minn inizjattiva tal-Kummissjoni Ewropea mfassla biex tikkomprendi l-aspetti kollha tas-sigurtà tal-kumpanija tal-ajru. Pereżempju, is-saħħa u s-sigurtà tal-impjegati tagħna waqt li jkunu fuq xogħolhom taqa' taħt il-kompetenza tal-SMS.

Is-sigurtà waqt l-operat tagħna tirrikjedi eċċellenza kontinwa min-naħa tal-inġiniera tagħna u l-impjegati fit-taqsima tal-operat tat-titjiriet, flimkien ma' kultura ta' sikurezza miftuħa u attenzjoni kbira għad-dettall.

L-A319, imħaddem b'magni CFM56, iġorr 141 passiġġier f'konfigurazzjoni tipika ta' żewġ klassijiet ta' postijiet għall-passiġġieri fuq medda li titla' sa 2,600 nm/4,815 km.