L-Arċipelagu

L-Arċipelagu Malti

L-Arċipelagu Malti, li jinsab preċiżament f'nofs triq bejn il-kosta ta' Sqallija u dik tal-Afrika ta' Fuq, qiegħed f'nofs il-Baħar Mediterran. Kull waħda mill-Gżejjer għandha personalità distinta: il-bliet u l-irħula ta' Malta għandhom taħlita sabiħa ta' moderniżmu mal-istorja u l-kultura rikki tagħha; it-toroq dojoq u mserrpin ta' Għawdex juru l-ħajja trankwilla li għadhom jgħixu n-nies ta' din il-gżira, filwaqt li l-pajsaġġi naturali ta' Kemmuna joffru xi ħaġa għal kollox differenti.

Malta
Il-gżira ta' Malta, li tul l-istorja dejjem kienet magħrufa għall-pożizzjoni militari strateġika tagħha u għall-irwol tagħha fit-tmexxija tal-ħakkiema Ewropej, hija rinomata wkoll għall-klima sħuna tagħha matul is-sena kollha. Bi sjuf twal u sħan, flimkien ma' poplu mill-aktar dħuli, Malta hija tabilħaqq festa għas-sensi kollha tal-ġisem, li tistiednek tirkeb fuq vjaġġ li jgħinek u jagħtik iċ-ċans tiskopri xi ħaġa ġdida: kemm jekk xi sport, xi bajja moħbija, platt ikel uniku, siti storiċi jew xena ta' divertiment vibranti matul il-lejl. 

Għawdex
Għawdex, li huwa l-gżira oħt Malta, joffri x-xenarju ideali għal rilassament komplet. Bħala komunità tas-sajd u tal-biedja, Għawdex joffri sfond ta' trankwillità fost it-toroq imserrpin tiegħu. Il-knejjes Barokki ferm attraenti u l-irziezet antiki jkomplu jżejnu l-villaġġi ċkejkna u l-kampanja mhux mittiefsa ta' din il-gżira. B'panorami pittoreski u postijiet storiċi li jinstabu prattikament kullimkien, Għawdex huwa ideali għal dawk li jħobbu jesploraw. Titqarraqx mid-daqs żgħir tiegħu; Għawdex għandu kalendarju kulturali mimli sewwa u tradizzjoni kulinarja li tgħaqqad flimkien il-prinċipji ta' "mir-razzett għal fuq il-mejda" ma' applikazzjonijiet kontemporanji u innovattivi.

Kemmuna
L-iżgħar gżira minn fost it-tlieta, jiġifieri dik ta' Kemmuna, toffri opportunitajiet abbundanti sabiex wieħed jinżel jogħdos fil-baħar tal-madwar. Id-daqs ċkejken tagħha, jiġifieri ta' 3.5 kilometri kwadri biss, ifisser li Kemmuna hija alternattiva mill-aqwa jekk tixtieq tqatta' ġurnata mill-isbaħ f'post fejn ma jkollokx bżonn karozza biex tivvjaġġa. L-attrazzjoni prinċipali ta' din il-gżira, li hija prattikament inabitata, hija l-bajja magħrufa bħala Blue Lagoon. Din il-bajja, li hija mogħnija b'baħar ileqq u ċar daqs il-kristall u ramel bajdani, tara familji u nies li jżuruha għal ġurnata minn Malta u Għawdex matul ix-xhur sħan tas-sajf, filwaqt li matul ix-xitwa tattira nies għal mixjiet rilassanti u fotografi li jżuruha biex igawdu u jieħdu ritratti tax-xenarju eċċitanti u spettakolari tagħha.






Blog relatat

all blogs

Kont taf?

  • Kont taf li l-Arċipelagu Malti jkopri biss ftit aktar minn 300 kilometru kwadru b'kollox?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!