Malta għaż-żgħażagħ

Malta for teensMalta għaż-żgħażagħ

Jekk hemm xi ħaġa li l-Maltin jafu jagħmlu sewwa hija li jiddevertu. Sal-età ta' 16-il sena, il-maġġoranza taż-żgħażagħ Maltin ikunu diġà bdew jiffrekwentaw id-diskoteki. Għalhekk, mhijiex sorpriża li ħafna turisti jżuru Malta bil-gzuz sabiex imorru Paceville, villaġġ attraenti li huwa rinomat għad-divertiment bil-lejl. Hawnhekk stenna li ssib ħafna ħwienet tax-xorb, pubs, ristoranti, korsija tal-bowling, ċinema u ħafna aktar, li kollha jinsabu ftit passi bogħod mill-baħar.

Jekk Paceville mhuwiex it-tip ta' post li normalment tfittex, mur sal-Mellieħa, fejn għandek issib firxa wiesgħa ta' faċilitajiet ta' sport tal-baħar. Xi lukandi fiż-żona joffru wkoll l-iskola tal-ibburdjar tagħhom, fejn tkun tista' titgħallem kif tipprattika l-ibburdjar u l-windsurfing. Għandek ukoll l-opportunità li tmur fuq sausage ride miġbuda minn speedboat. Il-lokalitajiet fil-qrib tal-Qawra u ta' San Pawl il-Baħar għandhom ukoll ħafna lukandi b'faċilitajiet sportivi, inkluż it-tenis, kif ukoll ċinema u diversi ħwienet tax-xorb bi gruppi li jdoqqu mużika live.

Matul ix-xhur tas-sajf, Malta toffri lil dawk li ma jmorrux Paceville ħafna aktar alternattivi minn matul ix-xitwa. Jekk tħobb il-mużika reggae, techno, rock jew saħansitra elettronika, madwar il-gżejjer Maltin hemm postijiet apposta fejn id-divertiment u l-mużika ma jieqfu kważi qatt. Il-ħwienet tax-xorb jiftħu fid-9 ta' filgħaxija u jagħlqu kmieni ħafna għall-ħabta tal-4 ta' filgħodu.

Jekk min-naħa l-oħra tippreferi li tqatta' l-ħin liberu tiegħek b'mod aktar kwiet u rilassanti, ma hemm imkien aħjar minn Għawdex. Meta żżur din il-gżira, inħeġġuk sabiex tirrilassa mal-pixxina f'xi razzett konvertit li tkun krejt, tinżel għodos fil-baħar sabiħ jew issuq xi jet-ski.

B'għadd bla qies ta' għażliet kif iż-żgħażagħ jistgħu jqattgħu ż-żmien tagħhom f'Malta, tista' sserraħ moħħok li kollox jinsab fil-qrib u l-biċċa l-kbira taż-żgħażagħ lokali jivvjaġġaw madwar il-gżejjer bil-karozza tal-linja. Hi x'inhi l-idea tiegħek ta' pjaċir, kun żgur li tippjana tajjeb minn qabel sabiex b'hekk tkun tista' ddaħħal kollox fl-iskeda tiegħek.

 



Blog relatat

all blogs

Kont taf?

  • Kont taf li l-Arċipelagu Malti jkopri biss ftit aktar minn 300 kilometru kwadru b'kollox?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja u ikla ħafifa inklużi b'xejn
We have placed cookies on your device to ensure you get the best experience on our website.
Got it!