Btajjel għall-għaddasa

Diving holidays in MaltaBtajjel għall-għaddasa

Aqbeż fil-baħar blu ċar kristall u esplora d-dinja ta' taħt il-baħar! Inti persuna li tfittex l-eċċitament fil-ħajja? Jekk iva, ilbes il-ħwejjeġ tal-iscuba-diving u inżel biċ-ċilindri taħt il-baħar għal esperjenza mill-aktar maġika u li tbiddillek ħajtek.

Malta mhux biss tesperjenza xemx bla qies, iżda l-pożizzjoni strateġika tagħha fil-baħar Mediterran tagħmilha post ideali u favorit mal-għaddasa sabiex jipprattikaw il-passatemp preferut tagħhom. Kemm jekk inti għaddas li għadek tibda, kif ukoll jekk għandek esperjenza estensiva taħt l-ilma, dawn il-gżejjer joffru l-ambjent addattat għal kull livell ta' profiċjenza.

Magħrufa għad-diversi bastimenti mgħarrqa li toffri, tista' togħdos u tesplora l-fdalijiet ta' bastimenti storiċi, is-sikek naturali taħt il-baħar u firxa wiesgħa ta' ħajja marina distinta għall-baħar li jdawwar lil Malta. Il-vjaġġi ta' ġurnata lejn il-gżejjer ta' Għawdex u Kemmuna joffrulek sens ġdid ta' avventura billi huma kollha jippreżentaw diversi siti ideali għall-għaddasa b'kondizzjonijiet mill-aqwa. Ma' dawn inżidu erba' gżejjer oħrajn li mhumiex abitati, jiġifieri Filfla, Kemmunett, il-Gżejjer ta' San Pawl u l-Ġebla tal-Ġeneral, li wkoll joffru kondizzjonijiet favolużi għall-għaddasa.

B'viżibilità eċċellenti u l-baħar Mediterran b'temperaturi sħan li qatt ma jinżlu taħt is-16-il grad Celsius, il-fond li jinżlu l-għaddasa jista' jvarja bejn wieħed baxx ħafna għal aktar minn 50 metru, sabiex b'hekk l-għaddasa għandhom firxa vasta ta' opportunitajiet, skont il-livell ta' profiċjenza u esperjenza tagħhom. Għar Lapsi huwa żona rinomata ħafna mal-għaddasa li jippreferu baħar baxx, filwaqt li ż-żona magħrufa bħala Lantern Point hija mfittxija minn dawk li jħobbu jgħoddsu aktar fil-fond.

Siti oħrajn magħrufa mal-għaddasa huma l-Ħofra tal-Bedwin (Blue Hole) qrib il-Ponta tad-Dwejra u l-HMR Maori, destrojer Ingliż li baqa' magħruf għall-għarqa tal-Bismarck.

Tpaxxa b'din il-ġenna ta' taħt il-baħar u ħu gost gawdi naħa differenti tal-pajsaġġ Malti.





Kont taf?

  • Kont taf li l-Arċipelagu Malti jkopri biss ftit aktar minn 300 kilometru kwadru b'kollox?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!