Tas-Sliema, il-ħajja mgħaġġla tal-Belt

Sliema

Tas-Sliema, li hija magħrufa l-aktar għax-xiri, divertiment eċċitanti bil-lejl, ristoranti lussużi u għadd kbir ta' kafetteriji, hija l-qalb ta' żona kummerċjali u residenzjali kbira u ewlenija f'Malta. Din il-belt, li isimha jfisser paċi u serħan, fl-imgħoddi kienet villaġġ tas-sajd vivaċi flimkien mal-villaġġ ġar ta' San Ġiljan.

Matul l-aħħar deċenji, il-popolarità ta' Tas-Sliema ħadet imbottatura tajba billi saret żona mfittxija ħafna kemm min-nies tal-lokal kif ukoll mit-turisti. Tas-Sliema, li toffri bosta attivitajiet dinamiċi, hija rinomata għall-isport li jintlagħab ħdejn il-baħar, dawriet trankwilli bil-lanċa madwar Malta u għawm bl-isnorkel u għadis.

Tas-Sliema, li hija miżgħuda bil-ħwienet u l-kumplessi tax-xiri, hija ċentru popolari għal dawk li jħobbu x-xiri, kif ukoll għal dawk li jħobbu affarijiet fini u sofistikati, billi hija għandha diversi ristoranti eleganti u lussużi. It-toroq ta' Tas-Sliema huma kkaratterizzati minn vilel moderni u djar kbar tradizzjonali Maltin, biex b'hekk għandha taħlita tal-antik mal-modern.

Il-promenade sabiħ mad-dawra tal-kosta sar il-post ideali għal dawk li joħorġu jimxu u jiġġoggjaw, kif ukoll bħala post prolifiku fejn jiltaqgħu n-nies tal-lokal matul l-istaġun tas-sajf. Il-mixjiet romantiċi taħt id-dawl tal-qamar, il-barbikjus u l-kafetteriji u r-ristoranti għall-beraħ għamlu lil Tas-Sliema ċ-ċentru tad-divertiment soċjali ta' matul il-lejl.

Tas-Sliema timmeravilja lil dawk li jżuruha b'veduti spettakolari tal-baħar u tal-belt Valletta. Jekk iżżur Tas-Sliema matul is-Sajf issibha għaddejja b'attività kontinwa grazzi għall-għadd numeruż ta' ħwienet tax-xorb, lidos max-xatt, ristoranti b'ikel fin u delizzjuż, ħwienet attraenti u kkuluriti li jbiegħu l-ġelati, kafetteriji u kumplessi tax-xiri moderni.

Żjara jew akkomodazzjoni f'din il-belt ferm ikkulurita u vibranti tagħtik iċ-ċans li dduq il-ħajja mgħaġġla u eċċitanti li kapaċi toffri din il-gżira, b'garanzija li tkun esperjenza mill-aktar memorabbli u li ma tinsa qatt.




Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!