Il-Mosta u l-Koppla tagħha

Il-Koppla tal-Mosta, li jingħad li hija t-tielet l-akbar koppla fid-dinja
Il-Mosta, belt kbira fiċ-ċentru ta' Malta, hija marbuta ma' diversi leġġendi lokali popolari. Din il-lokalità hija mdawra b'ħafna postijiet storiċi ta' interess, inklużi l-Victoria Lines, li kienu nbnew mill-Imperu Ingliż bħala mekkaniżmu ta' difiża kontra l-invażjoni tal-art mit-Tramuntana.

Hija tista' tiftaħar b'dik li jingħad li hija t-tielet l-akbar koppla fid-dinja, li hija ddedikata lil Marija Assunta. Il-knisja, li hija magħrufa l-aktar bħala r-Rotunda ta' Santa Marija Assunta, kważi nqerdet għal kollox matul it-Tieni Gwerra Dinjija meta bomba mitfugħa minn ajruplan Ġermaniż tal-Luftwaffe laqtet il-koppla tal-knisja, iżda b'xorti tajba ma splodietx. Minbarra din il-bomba, niżlu wkoll żewġ bombi oħrajn li ħabtu mal-koppla u baqgħu neżlin f'nofs il-pjazza mingħajr ma splodew. Replika tal-bomba li nifdet il-koppla tqiegħdet fil-knisja bħala tifkira ta' dan l-avveniment.

Il-pjanijiet ta' din il-knisja, li nbniet bejn l-1833 u l-1871 fuq is-sit ta' knisja oħra li kien hemm qabel, ġew iddisinjati minn Giorgio Grognet de Vasse, li bbażahom fuq il-Panteon li hemm f'Ruma.

Attrazzjoni popolari oħra li hemm fil-Mosta hija l-Kappella tal-Isperanza, li tinsab qrib il-Wied tal-Isperanza. Il-leġġenda marbuta magħha tgħid li matul l-invażjoni tat-Torok bejn l-1760 u l-1761, tifla żgħira u ħutha kienu qegħdin jindokraw il-merħla nagħaġ tal-familja. Ħutha rnexxielhom jaħarbu, iżda t-tifla żgħira ma setgħetx tiġri biżżejjed, għalhekk sabet refuġju f'għar fejn talbet lill-Madonna bil-ħniena, li min-naħa tagħha intervjeniet u ħolqot għanqbuta fuq id-daħla tal-għar. L-invażuri Torok ma daħlux ifittxuha fl-għar minħabba li l-għanqbuta kienet għadha intatta.

Jeżistu diversi ħrejjef u leġġendi oħrajn, iżda dawn issir tafhom meta żżur Malta!



Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!