Il-mixi fil-kampanja

Mixjiet mal-kosta

B'aktar minn 250 km ta' kosta relattivament inabitata u pajsaġġ intern mill-isbaħ tipiku Mediterranju, Malta hija garanzija ta' esperjenza mill-aqwa għal dawk li jħobbu l-mixi. Ma' dawn nistgħu nżidu t-temp sabiħ li jagħmel tul is-sena kollha u l-opportunità mill-aqwa biex tosserva għasafar migratorji, li tabilħaqq huma l-ingredjenti li jkomplu jħawru l-btala tal-mixi tiegħek f'waħda mill-aqwa.

Il-mixjiet mal-kosta jipprovdu lil dawk li jmorru jimxu b'veduti spettakolari u estensivi tal-baħar. Netwerk stabbilit sewwa ta' passaġġi, mogħdijiet u triqat dojoq fil-kampanja jeliminaw il-periklu li tintilef mingħajr ma tiddistratta ruħek mill-avventura. Jekk trid tgawdi n-natura Maltija fl-aqwa tagħha għandek timxi tul il-kosta tal-Punent, li minn Ħad Dingli (fil-Lbiċ) twasslek saċ-Ċirkewwa (fil-Majjistral). Dawk li huma aktar maqtugħa għall-mixi u bi stamina tajba kapaċi jagħmlu dik id-distanza f'ġurnata jew tnejn, iżda idealment il-mixja tinqasam fuq erbat ijiem jew ħamsa, sabiex b'hekk wieħed ikun jista' jesplora l-inħawi f'aktar dettall.

Għawdex huwa post favorit ma' dawk li jħobbu jimxu qalb l-għoljiet, grazzi għall-kampanja mhux mittiefsa mill-progress, konnessjonijiet tat-trasport mill-aqwa u t-terran mimli għoljiet tiegħu. Huwa possibbli li timxi madwar il-kosta tal-gżira fi ftit jiem b'pass diċenti; iżda jekk trid tgawdi u titpaxxa tassew bil-ġmiel tal-kosta, bl-irdumijiet spettakolari fejn ibejtu l-għasafar, il-qaliet dojoq u l-bajjiet tar-ramel, ikun aħjar jekk taqsam il-mixja tiegħek fuq medda ta' ġimgħa. F'Għawdex, l-akkomodazzjoni hija abbundanti u għall-gosti u l-but ta' kulħadd, għalhekk, jekk tagħżel li tqatta' ġimgħa hemmhekk, ċertament tkun tista' tesplora l-inħawi b'mod sħiħ mingħajr ma taħli ħafna ħin tivvjaġġa. 

Il-mixjiet fil-qalba ta' Għawdex jipprovdu xenarju mill-aqwa, kif ukoll irħula affaxxinanti x'tiskopri. L-Għarb u l-Għasri, Kerċem, il-Qala u Għajnsielem huma biss uħud mill-irħula pittoreski li jistgħu jintlaħqu bil-mixi mill-belt kapitali Victoria.

Il-ħarifa, ix-xitwa u r-rebbiegħa huma l-aktar żminijiet popolari tas-sena għal dawk li jħobbu l-mixi fil-kampanja, grazzi għall-klima moderata u pjaċevoli li joffru. Madankollu, iż-żona msaġġra tal-Buskett, li oriġinarjament kienet post fejn il-Kavallieri ta' Malta kienu jipprattikaw id-delizzju tal-kaċċa, tipprovdi ħafna dell kenni, anki fl-aktar jiem sħan tas-sajf. Jekk inti persuna li tħobb tbakkar, ma hemm xejn aħjar minn mixja filgħodu kmieni tul il-mogħdijiet twal ta' dawn il-ġonna sbieħ u storiċi. Hawnhekk ikollok iċ-ċans kollu li tinnamra man-natura fl-aqwa tagħha!










Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!