Tidwiq tal-Inbid

wine tasting in MaltaIt-tidwiq tal-inbid f'Malta

Ivvjaġġajt ħafna u tħossok xi ftit għajjien. Mort Bordeaux, rajt ir-raba' tad-dwieli li hemm fit-Toskana u doqt ir-Rioja mir-reġjun ta' Rhône Valley. Kif jista' dan il-pajjiż ta' ftit aktar minn 300 kilometru kwadru jipproduċi xi ħaġa differenti u ta' interess?

Xi tgħid dwar żewġ varjetajiet ta' għenbiet indiġeni (il-Ġellewża u l-Girgentina), inbid bil-gass prodott fil-Methode Traditionnelle, tużżani ta' nbejjed D.O.K. (inbejjed ta' kwalità prodotti f'reġjuni speċifikati kif definit mir-regolamenti tal-Unjoni Ewropea) u aktar minn 2000 sena ta' storja tal-produzzjoni tal-inbid?

L-inbid huwa parti integrali mill-kultura Maltija. Ebda ikla ma tkun kompleta mingħajr flixkun inbid lokali. Huwa interessanti nsemmu li, filwaqt li l-industrija tal-inbid lokali kellha kompetizzjoni ġdida u qawwija mill-inbejjed li bdew jiġu importati minn mindu tneħħew it-taxxi fuqhom fl-2004 – l-industrija mmodernizzat malajr u daħlet f'innovazzjoni kontinwa sabiex tipprovdi prodott kompetittiv ta' klassi dinjija.

Ħafna mill-produtturi prominenti tal-inbejjed f'Malta joffru l-possibbiltà ta' żjara fil-kantini tal-inbid tagħhom, li normalment tkun tinkludi gwida li tispjega l-istorja ta' dak il-produttur tal-inbid u l-inbejjed differenti li jiġu offruti, ikel u, ovvjament, l-opportunità li dawk preżenti jduqu nbejjed mill-aqwa.

  • Il-kumpanija Marsovin toffri l-opportunità ta' żjara fil-kantini tagħha u li dawk preżenti jduqu l-inbejjed li tipproduċi. Il-kantini fejn jaħżnu l-inbejjed tagħhom huma fost l-eqdem u l-aktar interessanti, tant li jmorru lura għal aktar minn 400 sena, sal-perjodu tal-ħakma tal-Kavallieri ta' San Ġwann.
  • L-għażla vasta ta' nbejjed D.O.K. u I.Ġ.T. tal-kumpanija Delicata hija mfittxija ħafna mill-familji Maltin. Din il-kumpanija li tipproduċi l-inbejjed tiftaħar bil-kantini ferm antiki tagħha, li għandhom btieti tal-ballut impressjonanti ta' oriġini Franċiża u Amerikana għall-ħażna u l-maturazzjoni tal-inbid.
  • Meridiana hija waħda mill-kumpaniji iżgħar li jipproduċu l-inbid f'Malta, iżda grazzi għall-konċentrazzjoni metikoluża tagħha fuq il-kwalità tal-prodott finali tista' tikkompeti mal-aqwa produtturi tal-inbid f'dawn il-gżejjer. Il-pubbliku jista' jżur il-kantini u l-għelieqi tad-dwieli tagħha, kif ukoll iduq l-inbejjed li tipproduċi, għal miżata nominali.

Mhuwiex probabbli li tara xi wieħed jew uħud minn dawn l-inbejjed Maltin uniċi fuq l-ixkafef tal-ħwienet tal-inbid lokali tiegħek bejn in-Nappa Valleys u l-Bordeaux, iżda mill-banda l-oħra, l-aqwa affarijiet fil-ħajja huma dejjem aktar diffiċli biex takkwistahom - raġuni aktar u aktar valida biex taħsiblu waqt li tkun hawnhekk u tixtri erba' fliexken għal miegħek.





Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!