Ikel Tradizzjonali

Ikel tradizzjonali Malti
F'Malta hemm ħafna postijiet fejn tista' tmur tiekol, iżda t-turisti għaqlin ikunu jridu jfittxu dawk il-postijiet li jservu ikel aktar tradizzjonali. Hija parti mill-esperjenza profonda li jfittxu l-biċċa l-kbira tal-vjaġġaturi li jridu jagħmlu l-aqwa mill-btala tagħhom.

Allura x'għandek tfittex jekk tassew trid tesperjenza l-kċina Maltija? Hemm żewġ modi differenti kif tista' dduq u tgawdi l-ikel Malti awtentiku:

L-ikel Tradizzjonali

Dan huwa l-ikel li ħafna jassoċjaw faċilment ma' Malta. Fil-fatt, ħafna minnu għadu jittiekel fid-djar Maltin b'mod pjuttost regolari. Il-biċċa l-kbira ta' dawn ir-riċetti ma jiswewx ħafna flus, riflessjoni taż-żminijiet diffiċli li għaddew minnhom in-nies ta' dawn il-gżejjer. Iżda l-kapaċità tal-kok Malti li jħawwar l-ikel u joħroġ l-aqwa togħma mill-aktar qatgħat ta' laħam ordinarji hija xi ħaġa fenomenali. Dan, flimkien mal-użu tal-aktar ingredjenti friski immaġinabbli, jagħmel l-ikel Malti ferm appetituż u li żgur iħajrek biex idduqu. Dawn huma xi eżempji ta' ikel li għandek tfittex:
  • Stuffat: Litteralment stuffat. Ir-riċetti tal-istuffat Malti huma rikki ħafna u kważi dejjem ikunu bbażati fuq it-tadam. Għall-istuffat tal-laħam, bl-aktar popolari jkun dak tal-majjal, tintuża l-aktar varjetà lokali bnina. Iżda jekk trid idduq xi ħaġa differenti, ipprova l-Istuffat tal-Qarnit – hija taħlita ta' ingredjenti b'zalza mill-aktar bnina u mħawwra, fejn il-qarnita tissajjar stuffat ma' ħxejjex bħal patata u bużbież.

  • Torti: It-torti Maltin jiġu servuti f'ħafna ristoranti u ħwienet oħrajn tal-ikel. Il-varjetajiet moderni jinkludu kull xorta ta' mili, iżda l-aktar torta tradizzjonali tkun mimlija b'taħlita ta' rkotta, bajd u tursin. Xi drabi jiżdiedu wkoll biċċiet tal-bejken Malti, piżelli jew ful, prodott agrikolu tant popolari fil-kċina lokali (disponibbli biss fir-rebbiegħa).

  • Timpana: Kuntrarju għal kwalunkwe platt ikel li qatt doqt, it-timpana hija mqarrun imħallat b'zalza tal-laħam u miksi bl-għaġina li jissajjar fil-forn. Minkejja li tinstema' ikla tqila, ftit huma dawk li xi darba daquha u ma reġgħux fittxewha. Kull familja għandha l-ingredjenti sigrieti tagħha li żżid mar-riċetta standard, inkluż fwied, il-moħħ tal-għoġol, brunġiel moqli, bexamel jew bajd iebes.
  • Fenek: Il-fenek ilu jittiekel fil-gżejjer Maltin sekli sħaħ. Jekk tordna dan il-platt f'ristorant, kun żgur li jintuża l-fenek lokali - il-laħam tiegħu huwa aktar tari, filwaqt li t-togħma tiegħu hija ferm aktar qawwija mill-varjetajiet li jiġu importati. Il-Maltin iservu l-fenek kemm moqli kif ukoll stuffat, iżda ingredjent komuni fiż-żewġ verżjonijiet huwa t-tewm, li jintuża fi proporzjonijiet kbar - għalhekk, ma għandniex xi ngħidu, dan żgur mhuwiex platt ikel li għandek tordna meta toħroġ ma' xi ħadd għall-ewwel darba! Tradizzjonalment, il-fenek jisserva bil-patata mixwija l-forn jew moqlija (chips) u insalata ħafifa.

  • Pastizzi (cheese cakes)
  • Ravjul: Ir-ravjul Malti huwa simili għal dak li jippreparaw u jservu fl-Italja. Id-differenza tinsab fl-użu tal-ġbejna tipika Għawdxija (magħmula mill-ħalib tan-nagħaġ jew tal-mogħoż). Iz-zalza tat-tadam li titferrex fuq dan ir-ravjul tkun magħmula minn varjetà lokali ta' tadam ħamrani, magħruf bħala żenguli, li jissajjar f'ħafna tewm lokali frisk u b'togħma qawwija.

  • Il-kċina Maltija għandha wkoll riċetti oħrajn, inkluż il-Ħobż biż-żejt – ħobż midluk bit-tadam u ż-żejt taż-żebbuġa. Ir-ross fil-forn huwa riċetta ta' ross imħallat b'zalza tal-laħam u moħmi fil-forn. Il-pastizzi huma għaġina delizzjuża mimlija bl-irkotta jew il-piżelli. Sopop bħall-minestra u s-soppa tal-armla huma bbażati fuq il-ħaxix, b'din tal-aħħar tinkludi wkoll il-ġbejniet u l-irkotta.

  • L-irkotta sikwit tintuża wkoll għar-riċetti tal-ħelu. Ipprova l-Kannoli – bħal dawk li jsiru fi Sqallija, dawn huma bħal tubi tal-għaġina moqlijin fiż-żejt u mimlijin bl-irkotta u l-konfettura. Il-qagħaq tal-għasel huwa ċirku magħmul mill-għaġina mimli b'taħlita ta' għasel iswed. Il-prinjolata hija kejk tradizzjonali li jittiekel fi żmien il-karnival u li jkun magħmul minn spanġ miksi bil-ġelu u l-konfettura. Fl-aħħarnett, il-figolli huma tip ta' ħelu li jissajjar fi żmien l-Għid il-Kbir fil-forma ta' għaġina tal-lewż mimlija bil-marżipan u mżejna bil-ġelu.


Ikel inqas magħruf

Aktar ma l-vjaġġatur ikun avventuruż, aktar ikun diffiċli għalih biex irażżan il-leblieba tiegħu għal esperjenzi kulinarji tassew uniċi. Huma dawn il-platti mhux tas-soltu u dawk inqas magħrufa li jappellaw l-aktar għal dan it-tip ta' vjaġġatur. Jekk titħajjar idduq xi ħaġa differenti, ipprova wħud minn dawn il-platti:

  • Sfineġ – dawn il-blalen tal-għaġina moqlijin f'ħafna żejt ikunu mimlijin b'ammont żgħir ta' inċova jew merluzz imnixxef. Huma delizzjużi u rħas, allura tista' tixtri aktar minn waħda (jew tnejn).

  • Kirxa – f'Malta, il-kirxa normalment tiġi servuta bħala stuffat mal-ħaxix, bħall-famuża trippa fiorentina.

  • Bebbux – l-istess kif isir fi Franza, il-bebbux fl-istil Malti jiġi servut f'zalza bbażata fuq it-tewm. Kun żgur li jkollok abbundanza ta' ħobż tal-Malti biex tkun tista' tbillu fiz-zalza.

  • Laħam taz-ziemel – il-laħam taż-żiemel dan l-aħħar reġa' beda jikseb popolarità. Huwa għandu togħma qawwija u, jekk jissajjar kif suppost, huwa tari daqs kwalunkwe qatgħa ta' laħam oħra.

  • Bakkaljaw – il-bakkaljaw imnixxef u mmellaħ huwa popolari madwar il-Mediterran kollu, għalkemm l-istokkijiet dejjem jonqsu tal-merluzz qegħdin jagħmluha aktar diffiċli biex jinstab. Il-Maltin għandhom numru ta' riċetti kif jippreparaw il-bakkaljaw immellaħ, inkluż bħala stuffat, f'zalza bajda magħquda u fl-isfineġ (ara fuq).

  • Fritturi tal-moħħ – fritturi magħmula mill-moħħ tal-għoġol jew tal-ħaruf. Għal dawk li huma aktar avventurużi, il-fritturi tal-moħħ huma rivelazzjoni kulinarja – dawn ikollhom togħma qawwija u kremuża li kważi tixbah lill-prodotti magħmula mill-ħalib. Ir-riċetta Maltija tinkludi bajd, tewm u tursin. Nissuġġeruhom biss għall-gastronomi veri (u ż-żombi).







Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!