Ristoranti

Eating out in MaltaRistoranti f'Malta

Btala tajba għandha tlaqqgħek ma' esperjenzi ġodda, kultura ġdida, fejn ikollok ċans tara l-postijiet prominenti u tiltaqa' ma' nies ġodda. Dan kollu minnu, iżda l-aqwa mumenti ta' kull vjaġġ barra l-pajjiż ċertament huma dawk il-ftit sigħat li tqatta' f'xi ristorant tajjeb, b'veduta spettakolari, idduq l-ikel li qatt ma tista' terġa' dduq bħalu meta tmur lura f'pajjiżek. Huwa dan l-aħjar mod kif tesperjenza l-kultura ta' pajjiż.


Is-servizz ġentili tal-wejter, l-irwejjaħ jaqsmulek qalbek li joħorġu mill-kċejjen mimlijin attività, il-ħoss tal-mewġ iċafċaf max-xtajta ftit metri bogħod minn fejn tkun bil-qiegħda - huma dawn il-mumenti sbieħ li jibqgħu minquxin fil-memorji tiegħek.

Malta toffri lill-gastronomi għażla enormi ta' ristoranti, li jservu minn kolazzjon sal-ikla ta' nofsinhar, l-ikla prinċipali ta' filgħaxija sa ikel ħafif li jittiekel fit-tard, sabiex b'hekk żgur tista' tiġi ssodisfata kull kilba għall-ikel.

Il-bajja ta' Spinola, li tinsab f'San Ġiljan, hija l-post fejn għandek tmur għal ikla ħut frisk u veduti inkredibbli. Il-bajja hija waħda mill-aktar pittoreski f'Malta u l-biċċa l-kbira tar-ristoranti f'din iż-żona huma ffollati madwarha b'tali mod li jiggarantixxu veduti spettakolari. Hawnhekk ser issib ikel tipiku minn madwar id-dinja, iżda l-aktar tip ta' ristorant popolari żgur huwa dak Mediterranju, li jispeċjalizza fil-frott tal-baħar u l-ħut frisk.

Il-Belt Valletta hija ppakkjata b'ristoranti attraenti, li ħafna minnhom jinsabu f'uħud mill-isbaħ binjiet fuq il-gżira. Il-bereġ antiki u d-djar kbar, qodma u sbieħ huma abbundanti f'din il-belt storika. Il-Belt Valletta hija l-aktar populari matul il-ġurnata, għalhekk jekk trid tmur xi mkien fejn ikollhom ċans tirrilassa u tosserva n-nies għaddejjin, żur Caffe Cordina fi triq ir-Repubblika wara nofsinhar. Għal ċena aktar romantika tard filgħaxija, mur f'wieħed mill-ħafna ristoranti li hemm fit-toroq sekondarji – ser issib għażla varjata għall-but ta' kulħadd u l-ikel kreattiv u oriġinali huwa l-ordni tal-ġurnata. Il-pjazza ta' San Ġorġ, faċċata tal-Armerija tal-Palazz, toffri l-veduta ideali minn fuq il-mejda fejn tkun qiegħed, bil-funtani tal-ilma sinkronizzati mal-mużika kull siegħa.

Minbarra l-ħafna destinazzjonijiet mal-baħar fejn il-ħut frisk huwa l-ordni tal-ġurnata, bħall-Mellieħa, San Pawl il-Baħar, il-Qawra, Buġibba, Marsaxlokk, Marsascala u Wied iż-Żurrieq, fiċ-ċentru tal-pajjiż hemm ukoll għadd kbir ta' ristoranti li tista' tesplora. Żur l-Imdina għal uħud mill-aktar ristoranti intimi u romantiċi fil-gżira. Fil-fatt, il-mixja li twasslek saċ-ċena tiegħek minn qalb it-toroq iċċangati u siekta tal-Imdina, li tgħaddik minn qalb l-aktar arkitettura affaxxinanti u ppriservata, hija kważi kważi pjaċevoli daqs l-ikla nnifisha!

U jekk issib ruħek fuq il-gżira oħt Malta ta' Għawdex, hemmhekk ukoll issib abbundanza ta' ristoranti eċċellenti. Il-vapur li jaqsam il-fliegu jidħol fil-port tal-Imġarr, fejn għandek ħafna ristoranti tajbin minn fejn tagħżel. L-abitanti tal-lokal ta' spiss jintefgħu jieklu ikliet ħfief waqt li jkunu qegħdin jistennew il-vapur li jmiss lejn Malta. Għal uħud mill-aktar ristoranti magħrufa f'Għawdex, żur il-belt Victoria, fejn il-pjazza prinċipali hija mdawra b'ristoranti mill-aqwa. Jekk tippreferi tiekol ħdejn il-baħar, żur il-bajja tax-Xlendi bix-xenarju drammatiku tagħha u r-ristoranti mperrċa fil-għoli fuq il-baħar; jew Marsalforn, bl-atmosfera mill-aktar rilassanti tiegħu, li tagħmlu l-post favorit mal-Maltin u l-Għawdxin matul l-istaġun tas-sajf.




Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!