Il-Festa

Il-logħob tan-nar fil-festa
Il-festa tar-raħal Maltija hija l-essenza ta' dak kollu li huwa Mediterranju magħsura f'avveniment wieħed. Dawn il-festi jikkombinaw id-dwal ikkuluriti, il-mużika tal-banda u l-ispettakli impressjonanti u storbjużi tal-logħob tan-nar, flimkien ma' folla ta' mijiet ta' nies li joħorġu mill-każini u l-ħwienet tax-xorb għal ġot-toroq storbjużi f'ċelebrazzjoni waħda u kbira. Hija esperjenza memorabbli ta' ikel, xorb, mużika u fanfara.

Ġeneralment, il-festi jiġu ċċelebrati bejn ix-xhur ta' Mejju u Settembru, għalkemm hemm xi ftit eċċezzjonijiet. Kull raħal għandu mill-inqas qaddis patrun wieħed u dan iservi bħala l-bażi għall-festa tar-raħal. Matul dawk il-jiem magħżula għall-festa, dak ir-raħal partikolari jżejjen it-toroq bi statwi u bandalori ddedikati lill-qaddis, u matul dik il-ġimgħa kollha, in-nies tal-lokal u t-turisti jingħaqdu flimkien sabiex igawdu ċ-ċelebrazzjonijiet u l-brijju tal-festa.

Il-kjoskijiet tal-ikel li jarmaw fit-toroq iservu minn kollox, minn hot dogs sa ikel tradizzjonali. Ipprova l-imqaret, li huma tip ta' ħelu tat-tamal moqlija fiż-żejt. Dawn huma delizzjużi immens u borża mimlija tiswiek inqas minn 2 Euros. Ħelu artiġġjanali u tradizzjonali ieħor huwa l-qubbajt. F'dawn il-festi ssib ħafna li jkunu qegħdin ibiegħu dan il-ħelu tant favorit mal-Maltin. Il-bejjiegħa normalment ikunu armati bi kjoskijiet skuri tal-injam bi mwieżen antiki sabiex iservu dan il-prodott mill-aktar ħelu.

Il-marċi tal-banda huma parti integrali miċ-ċelebrazzjoni. Il-banda lokali ddoqq il-marċi favoriti tal-festa, li ħafna minnhom ikunu kompożizzjoni ta' xi surmast lokali. Waqt li l-mużiċisti tal-banda jdoqqu l-marċi brijjużi tul it-toroq u madwar il-knisja tar-raħal, il-folol sikwit ikunu mexjin warajhom.

Iċ-ċelebrazzjonijiet ta' kull festa jilħqu l-qofol tagħhom biċ-ċerimonja tal-irfiegħ tal-istatwa. Id-devoti tal-festa jitfgħu l-offerta tagħhom sabiex dawk bl-ogħla offerta jingħataw il-privileġġ li joħorġu l-istatwa mill-knisja u jpoġġuha f'post prominenti fil-pjazza tar-raħal. Din iċ-ċerimonja ġeneralment tkun akkumpanjata minn folla mdaqqsa li tesprimi l-ferħ tagħha b'ċapċip u brijju.

Jekk l-irfiegħ tal-istatwa huwa ritwal ċerimonjali importanti, l-aktar li jagħtu pjaċir lill-folla żgur li huma l-ispettakli tal-logħob tan-nar. Malta hija magħrufa ħafna għall-kapaċità piroteknika tagħha u din il-kapaċità mkien ma tintwera aħjar mill-festa tar-raħal. L-ispettakli normalment jinvolvu l-murtali, li huma xorta ta' bombi li jagħmlu splużjoni eċċezzjonali meta jinfetħu fis-sema, logħob tan-nar ikkulurit li jdawwal is-sema bil-lejl, u l-ġigġifogu jew irdieden tan-nar – strutturi elaborati li jipproduċu spettakli li jgħammxu l-għajnejn ta' ħsejjes u lwien.
 






Blog relatat

all blogs

Kont taf?

Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!