Exeter

BOOK NOW

Exeter

Exeter

Il-faxxinu ta' Exeter ilu rikonoxxut mit-turisti, hekk kif din il-belt tħalli impressjoni pjuttost qawwija fuq dawk li jżuruha. Exeter tista' titqies bħala belt rilassanti iżda fl-istess ħin eleganti b'ristoranti u lukandi lussużi u b'xena kulturali li tmur lura 2000 sena.

Billi fil-Medju Evu l-belt rat tkabbir ekonomiku bħala port kummerċjali, ir-rikkezzi tal-belt wasslu biex, fis-seklu ħmistax, l-abitanti tagħha jibnu katidral Gotiku. Minkejja li Exeter ġarrbet ħsarat kbar matul it-Tieni Gwerra Dinjija, dan il-katidral baqa' relattivament intatt u għadu jesponi l-arkitettura medjevali tiegħu b'ċertu sens ta' kburija.

It-torrijiet Normanni u s-soqfa bil-ħnejjiet tiegħu għamluh l-ogħla katridral fid-dinja. Exeter, li hija magħrufa l-aktar għall-università tagħha, toffri storja, arkitettura, kultura u rikreazzjoni, kif ukoll firxa wiesgħa ta' opportunitajiet għal dawk li jħobbu x-xiri.

It-turs bil-mixi ma' gwida huma popolari ħafna mat-turisti u jitmexxew mill-gwidi tar-Red Coat. Tur madwar in-netwerk ta' passaġġi taħt l-art ta' Exeter, li jmur lura għal żmien il-Medju Evu, jieħdok minnufih lura fiż-żmien.

Wieħed ma jistax jonqos li jżur il-bosta parks u spazji ħodor bħall-Belmont Park, in-Northernhay Gardens u r-Rougemont Gardens. Għall-familji li jivvjaġġaw bi tfal żgħar, hemm il-Crealy Great Adventure Park, li joffri roller coasters u rikbiet veloċi oħrajn li t-tfal żgur jieħdu gost bihom.

Exeter żammet ħafna mill-karatteristiċi medjevali tagħha fil-fdalijiet tal-ħitan tal-ġebel tal-belt. Ir-Royal Albert Memorial Museum and Art Gallery, li ġie rinnovat dan l-aħħar, huwa wieħed mill-attrazzjonijiet kulturali prinċipali tal-belt. Iżda dan mhuwiex kollox, hekk kif wieħed jista' jsib aktar artefatti u fdalijiet fil-kollezzjoni arkeoloġika tal-università.

Qrib Exeter, tista' ssib ħafna attrazzjonijiet differenti. Wieħed jista' jagħmel eskursjonijiet u jqatta' jiem sħaħ barra fil-madwar tad-Devonshire kollu - Dawlish Warren, Exmouth, Sidmouth u Teignmouth, li kollha jagħtu stampa mill-isbaħ tal-kampanja u l-baħar tad-Devon.

L-ajruport ta' Exeter jinsab 5 mili biss lejn il-lvant taċ-ċentru tal-belt. Il-karozzi tal-linja joperaw b'mod regolari bejn l-istazzjon tal-kowċis u l-ajruport. Barra minn hekk, joperaw ukoll ferroviji diretti lejn u mill-Istazzjon ta' St David ta' Exeter.

Exeter irnexxielha żżomm spirtu żagħżugħ grazzi għall-ammont konsiderevolment kbir ta' studenti li wasslu għall-ftuħ ta' ħafna bars, kafetteriji u klabbs, b'mod partikolari fl-inħawi fejn hemm it-tarzna.




Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!