London

BOOK NOW

Londra

Londra

Tista' tgħid li kulħadd jixtieq li xi darba f'ħajtu jżur u jesperjenza l-belt ta' Londra, li hija meqjusa bħala waħda mill-aktar bliet cool fid-dinja. Filwaqt li taffaxxina lil dawk li jżuruha bl-istorja, bl-arti, bil-monarkija u bil-mużewijiet immensi tagħha, Londra għandha xi ħaġa għall-gosti ta' kulħadd. Din il-belt, li tinsab fuq iż-żewġ naħat tax-Xmara Thames, kienet is-suġġett ta' bosta rumanzi u fl-isfond ta' ħafna films. 

L-istorja ta' Londra tant hija vasta li tinkludi antikitajiet u grandjożità storika li jimmeraviljaw lill-vjaġġaturi. Il-London Tower, Hampton Court and Westminster Abbey huma biss ftit eżempji mill-kobor enormi tal-istorja tagħha. L-arkitettura ta' Londra tolqot l-għajn u tkompli timla l-orizzont tal-belt.

Minn dejjem preżenti fl-innovazzjoni tal-arti, Londra tfawwar b'immaġinazzjoni u attitudni li għenuha tistabbbilixxi ruħha bħala waħda mill-aktar bliet innovattivi u pijuniera fl-arti, il-mużika u d-disinn kontemporanju. Billi ospitat l-Olimpjadi tal-2012, Londra ħejjiet programm ta' avvenimenti eċċezzjonali li kkumplimenta x-xena artistika diġà eżistenti fil-belt. B'firxa straordinarja ta' galleriji tal-arti, mużewijiet, festivals, drammi, rappreżentazzjonijiet teatrali u mużika, Londra qatt ma tista' tiddiżappuntak.

Miżgħuda b'postijiet ideali għal eskursjonijiet turistiċi, Londra toffri wkoll spazji miftuħa u parks rinomati għal dawk li jridu jaħarbu ftit mill-istorbju tal-belt. Il-mużewijiet u l-galleriji tal-arti ewlenin jinsabu fil-parti ċentrali ta' Londra, iżda jekk tħoss li għandek bżonn tmur fi nħawi aktar trankwilli, nissuġġerulek iżżur Hampstead Heath jew Greenwich Park sabiex tkun tista' tgawdi n-natura fl-aqwa tagħha.

L-Air Malta topera lejn u mill-Ajruporti ta' Gatwick u ta' Heathrow f'Londra. Gatwick Express tħaddem servizz tal-ferrovija mingħajr waqfien lejn Victoria kull 15-il minuta, bi vjaġġ li jieħu 30 minuta. Min-naħa l-oħra, l-aktar konnessjoni veloċi biex tivvjaġġa bejn Heathrow u Londra hija l-Heathrow Express.

Miż-żoni mimlijin siġar ta' South Kensington sad-dwal qawwija tal-West End, Londra tikkombina l-element tradizzjonali ma' dak modern, filwaqt li ssebbaħ il-pajsaġġ b'veduti mill-aktar spettakolari.


Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!