Cardiff

BOOK NOW

Cardiff

 

Malta to CardiffCardiff

Waħda mill-attrazzjonijiet l-aktar affaxxinanti ta' Cardiff hija l-faċiltà li biha tista' taħrab mill-ġenn urban. B'żoni kbar mimlijin siġar li jestendu lejn it-Tramuntana sal-Katidral ta' Llandaff, Cardiff ġiet innominata bħala waħda mill-aqwa għaxart ibliet fl-Ewropa.

Cardiff, li hija belt kburija bil-kultura, bil-lingwa u bil-patrimonju tagħha, għaddiet minn vjaġġ impressjonanti matul dawn l-aħħar 2000 sena. Cardiff oriġinat bħala raħal żgħir sakemm evolviet għal wieħed mill-aktar portijiet traffikużi fid-dinja. Illum il-ġurnata, Cardiff tista' titqies bħala belt kapitali moderna kif għandha tkun.

Cardiff, li tinsab fuq il-Kanal ta' Bristol, hija mibnija maġenb il-baħar, b'lag tal-ilma ħelu kkontrollat mill-Barrage. F'din il-belt, li hija famuża għall-attrazzjonijiet, l-isport u d-divertiment tagħha, għandek issib ħafna attivitajiet li tista' tagħmel u li żgur ser tieħu gost bihom. L-għażliet disponibbli jvarjaw minn djar storiċi, kastelli, flora u fawna selvaġġi u sport.

Fost l-oħrajn, hawnhekk wieħed isib l-istudjos il-ġodda tal-BBC Wales u s-sit ewlieni fejn jiġi ffilmjat Doctor Who and Casualty; kun żgur li tmur għal eskursjoni avventuruża billi żżur id-Doctor Who Experience il-ġdida. Cardiff hija rinomata għall-mod eċċellenti li bih torganizza l-avvenimenti, tant li fl-2012 hija ospitat il-partiti tal-futbol tal-Olimpjadi. Jekk tħobb l-isport, ma tistax tonqos milli żżur il-grawnds eċċezzjonali tagħha fejn jintlagħbu r-rugby, il-krikit u l-futbol.

F'Cardiff u fl-inħawi tal-madwar teżisti xena tad-divertiment attiva ħafna. Firxa wiesgħa ta' teatri, galleriji tal-arti, mużewijiet u postijiet fejn tindaqq il-mużika dak il-ħin jospitaw rappreżentazzjonijiet operistiċi, ballets u musicals ta' klassi mondjali. B'taħlita ta' ambjent tradizzjonali u modern, Cardiff toffri l-isfond għal vjaġġ idilliku.

Il-link tal-ferrovija ewlenija tgħaqqad l-istazzjon tal-ajruport ta' Cardiff ma' Cardiff Central u Bridgend. Hawnhekk, dawk kollha li jkollhom biljett tal-ferrovija jistgħu japprofittaw minn servizz bla ħlas ta' shuttle bus lejn it-terminal tal-passiġġieri. Il-karozzi tal-linja joperaw bejn l-Istazzjon ta' Cardiff Central u l-ajruport kull siegħa mit-Tnejn sas-Sibt u kull sagħtejn nhar ta' Ħadd. 


 








Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!