Warsaw

BOOK NOW

Varsavja


Malta to WarsawVarsavja

Varsavja, li hija belt li tbaqbaq bil-kultura, l-enerġija u l-azzjoni, sofriet ħafna matul is-snin, madankollu, irnexxielha tittrasforma ruħha b'mod brillanti. Minkejja l-qerda u t-tifrik li ħallew warajhom il-bombi li niżlu fuqha matul it-Tieni Gwerra Dinjija, tul is-snin, il-belt malajr reġgħet irkuprat dak li kien intilef.

Varsavja, li tabilħaqq hija mfawra bil-mużewijiet, tospita l-Warsaw Uprising Museum, kif ukoll żewġ mużewijiet ġodda li huma ddedikati kollha kemm huma għal Chopin u l-istorja Lhudija. Din il-belt, li hija magħrufa bħala l-kapitali kulturali tal-Polonja, għandha bosta teatri, ristoranti, mużewijiet, diskoteki u festivals li huma mxerrdin f'kull parti tal-belt.

Matul ix-xhur tas-sajf, Varsavja tinbidel f'belt aktar vivaċi.

It-torri ta' Varsavja, li nbena fl-1956, huwa l-itwal torri b'arloġġ b'erbat uċuh fid-dinja, filwaqt li huwa meqjus bħala wieħed mill-aktar simboli arkitettorali żgħażugħa u fl-istess ħin għoljin u prominenti.

Din l-enerġija qawwija estendiet ukoll għax-xena mużikali prospettiva tal-belt. Biċ-ċelebrazzjonijiet li jsiru fit-toroq, il-festivals tal-arti u l-għadd kbir ta' festivals tal-mużika li jiġu organizzati matul is-sena, il-belt ta' Varsavja qiegħda tibni reputazzjoni bbażata fuq ix-xena kulturalment differenti tagħha u divertiment bil-lejl tal-ogħla livell.

Stare Miasto (il-Belt l-Antika) hija waħda mill-attrazzjonijiet prinċipali ta' Varsavja. Il-Belt l-Antika, li nqerdet kompletament matul it-Tieni Gwerra Dinjija, reġgħet inbniet b'tali mod li tkun tixbah id-dehra li kellha qabel mis-seklu 16 sas-seklu 18.

It-toroq iċċangati, id-djar u l-binjiet Gotiċi, flimkien mal-ħafna kafetteriji u mwejjed bi preżentazzjonijiet artistiċi armati fit-toroq iżejnu din iż-żona u affaxxinaw lit-turisti tul is-snin.

Il-Palazz tal-Kultura u x-Xjenza huwa wkoll post prominenti fid-distrett kummerċjali ta' Varsavja. Dan il-bini llum jospita uffiċini, teatru tal-pupazzi, Ċineplex, ħwienet u mużewijiet. Għal veduta mill-aktar memorabbli u panoramika, nissuġġerulek tibqa' tiela' sat-30 sular.

Il-kumpanija Air Malta topera vjaġġi lejn l-Ajruport Internazzjonali Frederic Chopin ta' Varsavja minn Vjenna. Il-karozzi tal-linja jitilqu minn quddiem is-sala tal-wasliet. Il-karozzi tal-linja MZA numri 175 u 188 iwasslu lit-turisti saċ-ċentru ta' Varsavja, inklużi l-istazzjon tal-ferrovija u ż-żona tal-Belt l-Antika. Barra minn hekk, huma disponibbli wkoll karozzi tal-linja għal distanzi twal li jgħaqqdu l-Ajruport Chopin ta' Varsavja ma' bliet oħrajn.





Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!