Amsterdam

BOOK NOW

Amsterdam

 

Malta to AmsterdamAmsterdam

Amsterdam, li hija l-akbar belt u l-kapitali tal-Olanda, hija famuża għall-kanali estiżi, il-mużewijiet prominenti u s-siti storiċi tagħha, iżda hija meqjusa wkoll bħala waħda mill-aktar bliet romantiċi fl-Ewropa.

Filwaqt li toffri l-vantaġġi ta' kull belt kbira, li jinkludu l-kultura, id-divertiment bil-lejl, ir-ristoranti internazzjonali u sistema tat-trasport effiċjenti ħafna, għall-kuntrarju tal-biċċa l-kbira tal-bliet l-oħra, Amsterdam hija pjuttost kwieta grazzi għall-kanali estensivi tagħha u l-ftit traffiku li jkun hemm fit-toroq.

L-Air Malta topera titjiriet lejn l-ajruport ċentrali ta' Schiphol, li huwa moqdi mill-ferrovija, il-karozzi tal-linja u l-kowċis organizzati mil-lukandi. Dan jagħmilha faċli sabiex tivvjaġġa lejn u mill-ajruport. L-aqwa mod biex tasal fiċ-ċentru tal-belt huwa permezz tal-ferrovija, li tieħu bejn 15 sa 20 minuta mill-istazzjon tal-ferrovija tal-ajruport.

Trid esperjenza lokali tassew awtentika? Allura ikri dgħajsa dar (boathouse) u tpaxxa bil-kanali u l-pontijiet. Wieħed ma għandux jonqos milli jżur id-dar ta' Anne Frank; minkejja li jkun hemm ħafna nies jistennew fil-kju, żgur mhux ser jiddispjaċik li tkun qgħadt tistenna magħhom. Il-mużew ta' Rijksmuseum jospita iktar minn 400 kapolavur ta' artisti ċelebri bħal Rembrandt, Jan Steen, Frans Hals, Vermeer Van Gogh. Hawnhekk, issib ukoll l-uniku suq tal-fjuri fuq wiċċ-l-ilma f'wieħed mill-kanali ta' Amsterdam.

Dawk li jħobbu l-mużika żgur ser ikollhom biex jitpaxxew f'Amsterdam. B'taħlita ta' ġeneri mużikali li jistgħu jiġu ammirati madwar il-belt kollha, wieħed dejjem ikun jista' jgawdi xi spettaklu minn xi artist famuż ħafna li jkun fuq tur fil-belt jew saħansitra xi lejla ta' jazz tradizzjonali. L-ispettakli teatrali huma wkoll attività popolari ħafna f'Amsterdam, filwaqt li l-kleinkunst (spettaklu cabaret li jinkludi rakkonti ta' stejjer, teatru, kummiedji u mużika) huwa disponibbli b'mod wiesa' għal dawk li jħobbu l-komiċità.

Kuntrarju għall-biċċa l-kbira tal-bliet Ewropej, Amsterdam mhijiex definita minn palazzi maestużi iżda aktar mill-arkitettura domestika tagħha. Il-gost ta' din il-belt jinsab fil-fruntuni kkumplikati tagħha u l-ġebel tal-fruntuni li jirrappreżentaw il-kummerċ tas-sid preċedenti u l-abitazzjonijiet tul il-160 kanal magħmula mill-bniedem.

Gawdi din l-esperjenza b'mod sħiħ. Irkeb il-mutur tiegħek u esplora Amsterdam!


 






Username meħtieġ... 
Password meħtieġa... 
Detallji tal-login invalidi... 
Il-login bil-Facebook ma ħadimx. M'hemm ebda kont tal-Facebook irreġistrat b'dan l-email.  
LOGIN 
LOGOUT 
Email meħtieġ... 
ISSOTTOMETTI
Ibdel il-password. 
Kont mhux validu... 
Email Mibgħuta! 
Email b'talba biex tinbidel il-password intbagħtet fuq l-email tiegħek. Malli tirċeviha, ikklikkja fuq il-link mibgħuta sabiex tkun tista' tbiddel il-password tiegħek.
Abbona man-newsletter tagħna
Ċert li trid tneħħi l-abbonament?
Merħba
Tajjeb li qed nerġgħu narawk
lejn
minn
Ibbukkja Issa
Bagalja inklużi b'xejn
We have placed cookies on your device to ensure you get the best experience on our website.
Got it!